"Cartoon Network” компани орлогоороо Их Британийн тэргүүлэгч,
ирээдүйн саятнуудыг нэрлэжээ. Жагсаалтыг дуучин Мадоннагийн есөн
настай хүү Рокко Ричи болон алдарт хөлбөмбөгч Дэвид Бэкхэмийн дөрвөн
настай хүү Курз Бэкхэм нар тэргүүлсэн байна. 20 жилийн дараа тэд хэдий
хэмжээний хөрөнгөтэй болохыг нь урьдчилан тооцоолон гаргаж, ийн
жагсаажээ.
Найруулагч Гай Ричигийн хүү Рокког "Cartoon Network” компанийнхан
дөрвөн шалгуураар жагсаалтын нэгд бичсэн гэнэ. Нэгд, Рокко бол дэлхий
дахинаа нэр алдар нь түгсэн хосын хүү, тэр хэрээр өөрөө ч олны
анхаарлын төвд байдаг. Хоёрт, кино урлагт дуртай, багагүй авьяаслаг
нэгэн. Гуравт, хэдэн саяар тооглогдох хөрөнгийн өв залгамжлагч. Эцэст
нь мэдээж багагүй орлогтой.
Мэргэжилтнүүдийн үзэж байгаагаар Рокко 30 нас хүрэхээсээ өмнө 376
сая фунтын эзэн болох гэнэ. Долоод Ромео Бэкхэм 271 сая фунт, наймд
Бруклин Бэкхэм 251 сая фунтээр жагссан бол Уэлсийн ханхүү Харри 198
сая, ханхүү Уильям 178 сая фунтын хөрөнгөтэй болох тул жагсаалтын ес,
аравт бичигджээ.
|